九月十日 星期一

呢一日, 係超有神心既一日, 一大早就起左身, 比平時早左十五分鐘番到公司, 番去既時候, 重要拎住一大袋資料; 其中重有一個環保袋, 總覺得呢一個環保袋, 會有一天會用得到...

開始習慣公司既模式, 真係好乖乖坐係個位度做左成朝野; 其間看到一個擬似老闆的物体, 回頭看了我一眼, 心諗總有一點不好的事吧... 食飯前, 就俾丫頭睇下我既進度, 自問進度都理想, 當天應可以清了那些功課吧!

下午回來就跟個marketing和元老, 傾下我之前畫落的鋼款, 由於做開鋼的關係, 也沒什麼東西特別要改, 只是要為了減少成本, 要我改一些地方吧... 溝通上已說好了要1,2天才改好, 因為手頭上還是先要交功課呢...

約五點到, 丫頭就叫我出去, 給我說最不好的消息, 他跟我說時, 我真的有點頭暈... 可能我年紀大了, 受不了刺激吧... 哈... 官方答案的因由也是出自老闆身上... 這也沒什麼可以說的吧... 請我的又不是老闆, 不合老闆心水又可以怎樣呢...

但有一些東西很好笑, 人總有很多藉口跟理由... 真的值得記下來...

"家陣唔係你唔得, 係咁o岩撞正左老闆咩大鑊, 哎... 唔好意思丫, 我都估唔到會死人架", 咁係工作分配既問題吧, 初黎報到, 三九唔識七, 你想我點? 乜都過曬你同個元老, 係要死就要死...

"見你吸得都幾快, 本來諗住過多d野俾你, 想你跟我學多d野, 做番幾隻辦, 之後就過去第二度玩咁啦" 都係諗同吹je, 哈哈~~

"外面個世界咁好撈, 其實呢一個地方唔係一個好地方, 老實講, 我出年都會走, 人工起碼多兩成啦", 咁你衣家重唔走? 聽閒有人搵你過擋喎...

"哎~ 其實你冇問題架, 拿~家陣我俾張agent卡片你, 你打上去問, 話我介紹就得架啦! 個地址唔o岩, 但個電話一定o岩" 冇野丫話, 都唔知係幾多年前既, 你叫我打去試? 真係唔知好嬲定好笑...

"第二時番黎搵我地食飯啦~ 你知我地幾點食飯架啦" 番來把托咩... 都癡線...

聽閒重有句"家陣一個人走, 我要同其他部門交帶一下" 交帶d乜好呢... 傻架=.='

其實到最後, 我也覺得致命原因不是理由來呢, 可以說有七八分死得不明不白.

九月十二日 星期三

今天心情平服了, 所有事也細心思量過好了, 事出必有因, 理由可以很多, 只是選了一個最合理也不合理的理由吧.

經過多方面朋友的慰問和條解, 心裡也開始浮現了一些很明確的答案, 煮我的理由有太多了, 我也不必細想... 就好像現在我不適合它一樣, 它也未必適合我(有人說我做得很不快...哈哈), 只不過快來快去吧...

老實說, 由番工第二星期開始, 丫頭因工作上的安排有問題, 跟我說老闆對我的印像很不好開始, 我己經覺得沒太多心機做得下去; 還好笑的是, 丫頭因此對我say sorry~ 哈哈~ 第三個星期開始時, 己經叫我要小心點, 我當然聽聽話話, 問清要怎做吧...

公司有另一個同事同時入去做, 大家進度也差不多, 可能名牌效吧, 要應命的是我不是他人呢~

however, 我覺得由第一天番去己經是有一個誤會, 由我見工到番工時, 有太多東西己在變了, 留我, 己經沒了那個用處吧, 這些所有東西, 我番了2個星期, 己經清楚知道改變了, 有太多理由, 只是做一個藉口, 我可以說什麼呢? 可以說是老套, 也可以說是一種政治手段吧!!!

心中始終有點不甘, 為的不是給人煮了, 只是因為搵著我黎搞!!! 又要我再安排, 再找過!!! 生活上有太多東西要安排, 要夾... 家陣打亂我個plan, 我覺得呢樣最討厭!!!

呢幾日好多野搞, 星期六日都忙住搞d自己野, 勁唔得閒咁囉...

首先係星期六, 一放工, 就飛往咁去番學... well... 20分鐘... 呢個時間真係極速加無敵... 約左"四哥"一齊去聽個開學講座... 都係扮下野架je, 聽完之後, 去左行尖咀, 結果我都係忍唔到手係咁shopping...

買完野後, 係LCX門口呢, 撞到"細katy", 因為見到seiko請人, 所以咪問下佢係咪走左人, 佢同我講話唔係囉, 佢到衣家都未走呢... 哇... 講走都講左個幾月, 小心過埋probation丫... 到時走人就煩啦...

之後諗起要買少少quick-sliver既款, 諗住搵"katy姐"幫幫手咁啦 @@', 有discount丫ma~平得幾十蚊得幾十蚊啦 >o<", 家陣經濟負擔都幾重, 真係要做財政平估 =_='

shopping完, 諗諗個荷包... 都係番屋企好d =.=', 但結果又約左丫媽出街食... well, 又係度散水... 哇~卡卡~~~

星期日, 本來諗住轉左工, 總要請老豆飲下茶, 但無奈... timing唔o岩囉... 之後出左去想買文具, 行左成個apm, 蕉都買唔到隻呢, 可能我真係... 要求太高了... 番到屋企, 執下枱面d信, 又一day~

星期一, 係一個好開始, 今日既進度幾理想... 唔錯唔錯 =.=', 食完飯重幫手過觀塘搞d野, 個schedule都meet到; 之後六點半走人, 成個dept都好似未有人走, d野令d人企左係度咁...

well, 聽閒聽朝d野要上車, 都幾多野搞... 希望d野趕得切啦~ 負責display既同事, 好多packing都未執好, 我識搞都想幫下手既 =.='

做左咁耐呢行, 都未做過參展商, 今期一入去, 就係"hall 1", 我終於有職員pass... yeah =.="v

放左工後, 神姨打黎, 一吹又吹左大半個鐘, 好勁, 我原來收風收得最勁 =.=", 聽閒之後有d野, 衣家正式落單咁啦... 重有舊老細話我學滿師就走佬咁啦...(乜我唔係一早就學滿左啦咩... 哎... 算吧啦)

聽日係九月四日, 好多年以黎既第一天番學... 要俾d心機先得~ yap~